ओवाळू आरती - विठ्ठलाची आरती

ओवाळू आरती, विठ्ठलाची आरती - [Ovalu Aarti Viththalachi Aarti] ओवाळू आरती माझ्या पंढरीराया, माझ्या पंढरीमाया.

ओवाळू आरती माझ्या पंढरीराया, माझ्या पंढरीमाया

ओवाळू आरती माझ्या पंढरीराया ।
माझ्या पंढरीमाया ॥
सर्वभावे शरण आलो तूझिया पाया ॥ ध्रु० ॥

सर्व व्यापुनि कैसे रूप राहिले अकळ ।
रूप राहिले अकळ ॥
तो हा गवळ्याघरी झाला कृष्ण गोपाळ ॥ ओवाळू० ॥ १ ॥

निजस्वरूप गुणातीत अवतार ।
धरी अवतार धरी ॥
तो हा पांडुरंग उभा विटेवरी ॥ ओवाळू० ॥ २ ॥

भक्तांच्या काजा कैसा रूपासी आला ।
कैसा रूपासी आला ॥
ब्रीदाचा तोडरू चरणी मिरविला ॥ ओवाळू० ॥ ३ ॥

आरति आरति कैसा ओवाळीली ।
कैसी ओवाळीली ॥
वाखाणिता कीर्ति वाचा परतली ॥ ओवाळू० ॥ ४ ॥

भावभक्तीबळे होसी कृपाळू देवा ।
होसी कृपाळू देवा ॥
तुका म्हणे तुझ्या न कळता मावा ॥ ओवाळू० ॥ ५ ॥

टीप: वरील साहित्य केवळ पारंपरिक श्रद्धांवर आधारित असून, वाचकांनी विवेकबुद्धी जपून अंधश्रद्धेपासून दूर राहावे.

विठ्ठलाच्या इतर आरत्या वाचा: