सगळंच काही - मराठी कविता

सगळंच काही, मराठी कविता - [Sagalach Kahi, Marathi Kavita] सगळंच काही नसतं, घालायचं कंसात, कधी लागतो अर्धविराम, तर काहीना स्वल्पविराम.

सगळंच काही नसतं, घालायचं कंसात, कधी लागतो अर्धविराम, तर काहीना स्वल्पविराम

सगळंच काही नसतं
घालायचं कंसात!
कधी लागतो अर्धविराम
तर काहीना स्वल्पविराम
पूर्ण विरामानेही काहींची
पूर्तता होत नाही
मग, विचार करायला
लागतं प्रश्नचिन्ह!
चिंतनाच्या गुहेतून
अजाणता येतो उद्‌गार!
पण ते असतं स्वगत
बसत नाही कंसात
त्याचे स्थान फक्त मनात


अनुराधा फाटक | Anuradha Phatak
सभासद, मराठीमाती डॉट कॉम
मराठी कविता या विभागात लेखन.

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.