अक्कू बक्कू - मराठी कविता (इंदिरा संत)

ज्येष्ठ आणि प्रसिद्ध मराठी कवयित्री इंदिरा संत यांची अक्कू बक्कू ही लोकप्रिय मराठी कविता.

आमच्या घरात मांजरे येतात, त्यांना छुत छुत करायचे नसते

---

अक्कू बक्कू - मराठी कविता (इंदिरा संत)

ज्येष्ठ आणि प्रसिद्ध मराठी कवयित्री इंदिरा संत यांची अक्कू बक्कू ही लोकप्रिय मराठी कविता.

---

आमच्या घरात मांजरे येतात
त्यांना छुत छुत करायचे नसते
अक्कू त्यांना फिस फिस करते
बक्कू पुढ्यात दूध ठेवते

आमच्या अंगणात चिमण्या कावळे
त्यांना हुश हुश करायचे नसते
अक्कू टोपलीत तांदूळ आणते
बक्कू मुठीने फेकत बसते

आमच्या फाटकात कुत्री येतात
त्यांना हड हड करायचे नसते
अक्कू त्यांना यू यू म्हणते
बक्कू भाकर आणून देते

आमच्या कुंपणाशी गायी येतात
त्यांना हैक हैक करायचे नसते
अक्कू त्यांना गोंजारत राहते
बक्कू आणून चारा देते

आमच्या कपाटात झुरळे दिसतात
त्यांना मात्र हाकलायचे असते
अक्कू झाडू आणून देते
बक्कू त्यांना पळवून लावते

---

इंदिरा संत यांच्या इतर प्रसिद्ध कविता:

• ऋतुराजाची चाहूल - मराठी कविता (इंदिरा संत)
• पाणी पाणी - मराठी कविता (इंदिरा संत)
• नको नको रे पावसा (मराठी कविता)
• या हो सुर्यनारायणा (मराठी कविता)
• गवतफुला रे (मराठी कविता)

---

- इंदिरा संत