ईश्वराला हार आणि - मराठी कविता

ईश्वराला हार आणि, मराठी कविता - [Ishwarala Har Ani, Marathi Kavita] ईश्वराला हार आणि, तुम्हाला पेढे, एवढंच मी म्हणेन.

ईश्वराला हार आणि, तुम्हाला पेढे, एवढंच मी म्हणेन

ईश्वराला हार आणि
तुम्हाला पेढे
एवढंच मी म्हणेन
बहीण पास झाली
हे तुम्हीच समजायचे
शेवटचे वर्षही तिने पार केले
बहिणीला हॉंगकॉंगला जायचे आहे
पण तिने कल्याण स्टेशन
नीट पाहिले नाही अद्याप
तिला पायलटचा कोर्स
करायचा आहे
पण ती सायकल चालवायला घाबरते
बिनरहदारीच्या रस्त्यावर
तिला आयुष्यात खूप खूप खूप काही
करायचे आहे
पण ती तर नुकतीच बी.ए झाली आहे
तिच्या उज्वल भवितव्यामध्ये
मी खंबीर
हातात
ईश्वराला हार आणि
तुम्हांला पेढे घेऊन


संदेश ढगे | Sandesh Dhage
सभासद, मराठीमाती डॉट कॉम
मराठी कविता या विभागात लेखन.

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.