विद्रोहदान - मराठी कविता (मुकुंद शिंत्रे)

ज्येष्ठ आणि प्रसिद्ध मराठी कवी मुकुंद शिंत्रे (मुकुंद मोरेश्वर शिंत्रे) यांची विद्रोहदान ही लोकप्रिय मराठी कविता.

विद्रोहाची कवचकुंडलं दिली जाताहेत छिनाऊन, माझ्या सोलावल्या पिसाळल्या मनावरून... विद्रोहदान

विद्रोहदान

मुकुंद शिंत्रे (कवितासंग्रह:एक बामण ढसाळलेला । नाशिक, महाराष्ट्र)

विद्रोहाची कवचकुंडलं दिली जाताहेत छिनाऊन माझ्या सोलावल्या पिसाळल्या मनावरून कुठला माईचा लाल हरीश्चंद्र देतोय मान तंगडीखाऊ विश्वामित्राला माझं विद्रोह्यदान कुणाची कोशीस सोलतेय मला करुणेचं अंथरुण पांघरुन कोण कुठला अनाम आत्मा पोखरतोय मला भुसभुशीत करुन बुद्धकौशिकाला पडलेलं आध्यात्मिक स्वप्न - रामरक्षा की बुद्धाची करुणा ढकलतेय मला कवितांच्या ओळीओळीतून तुमची करुणा भाकून नाही म्हणांयच मला ‘पराधिन आहे जगती’ वेदनेची एक लाळीव इच्छा फुटतेय माझ्या नसानसातून झोपडीतल्या वखवखलेल्या भाकरी कोल्ड्यासची हुंदकतोय माझा गिळला जाणारा घास टाळूला चिकटून जातेय शिसारी पेट और पेटके निचेका, म्हणणाऱ्यांची वेदनेला लडबडलेली काळी फुलं कोण खुडतंय मला जास्वंदी ओठांचं आमिष दावून जास्वंदी पायाखाली चिरडली तरी ना हरकत! ही काळी फुलं कवीतांच्या झुबक्यात फेकायचीत तारुण्याच्या धुक्यात माझी वाट नाही हरवायची मोहोरबंद लिफाफ्यात मला कविता नाही झोकायची प्रतिभा माझी पैशाच्या पासली नाही पाडायची ही मनगट चावून-चावून झिजवलीत नी भागवलीत तुमची धार्मिक देणी! आता तरी एकदा ‘राम’ म्हणाना स्वतःला शरमाऊन तिरडीवर झोपून! बापजादी आत्मे भुंकू देत लूत भरल्या कुतरड्यागत ऐकू नका त्यांचं तुम्ही वेदोक्त भुंकणं, पण हा विद्रोह कोण गाढवाच्या पाठुंगळी बांधला जातोय कुठल्या ‘कॅथर्सिस’च्या प्रपातात बुचकाळला जातोय वेदनेची ही खोल जखम मागे ठेऊन कोण पळवतोय माझा भरती विद्रोह करुणेच्या अंबराला लगावलेली ही लफ्फेदार फुले नकोएत मला माझा माझा विद्रोह वापीस द्या मला! कोण हरी खाटल्यावर बसून गातोय अभंग अठ्ठावीस युगवाल्या विठ्ठलाला आळवून कोणत्या भटबेण्याला व्हायचंय इथं तुणतुणं लाऊन छपरी लावणी गाणार रामजोशी करायचे नाहीत माझे ओठ मला श्रीखंडी नी गायची नाहीत मला ईश्वराची गाणी तारुण्यी इच्छांचा सुकाळ कोसळला होता माझ्यावर झोपडीतल्या पटकुरी दारिद्र्यात गुंडाळून त्यांना मी केव्हाच मूठमाती दिलीए! विद्रोहाचं दान बळजोरी घेणाऱ्या कलंकी ही वेदनाही एकदाची गोठवून टाक क्लांतता माझी झडवून टाक नी कर मला बुद्धाच्या शून्यागत निःशब्द निचेष्ट!

मुकुंद शिंत्रे यांचे इतर लेखन वाचा:

---

मराठीमाती डॉट कॉम येथे प्रकाशित होणाऱ्या निवडक मराठी कविता आता श्राव्य स्वरूपात देखील उपलब्ध आहेत. सर्व ऑडिओ कविता या दुव्यावर ऐकता येतील.

---

• [col]
• - आईच्या कविता
• - निसर्ग कविता
• - पावसाच्या कविता
• - गावाकडच्या कविता

• [col]
• - आत्मविश्वासाच्या कविता
• - आनंदाच्या कविता
• - दुःखाच्या कविता
• - प्रेम कविता

• [col]
• - प्रेरणादायी कविता
• - बाबाच्या कविता
• - बायकोच्या कविता
• - बालकविता

• [col]
• - मैत्रीच्या कविता
• - विरह कविता
• - शांततेच्या कविता
• - शाळेच्या कविता

• [col]
• - शिक्षकांवर कविता
• - सामाजिक कविता
• - अंधश्रद्धेच्या कविता
• - देशभक्तीपर कविता

• [col]
• - सैनिकांच्या कविता
• - शेतकर्‍याच्या कविता
• - प्रवासाच्या कविता
• - तिच्या कविता

• [col]
• - संघर्षाच्या कविता
• - आठवणींच्या कविता
• - राजकीय कविता
• - तरुणाईच्या कविता

---

अक्षरमंच - मुक्त व्यासपीठ - नवोदितांच्या लेखन प्रतिभेस प्रोत्साहन देणारे एक मुक्त व्यासपीठ.
आपले लेखन आणि साहित्य प्रकाशित करण्यासाठी ऑनलाईन किंवा ऑफलाईन मोफत लेखक नोंदणी करा.
नवीन लेखक नोंदणी / मराठीमाती डॉट कॉम येथे साहित्य प्रकाशनासंदर्भातील अधिक माहितीसाठी आम्हाला +९१ ९३२ ६०५ २५५२ येथे संपर्क साधा.