शांत सागरी कशास - मराठी कविता (संजीवनी मराठे)

ज्येष्ठ आणि प्रसिद्ध मराठी कवयित्री संजीवनी मराठे यांची शांत सागरी कशास ही लोकप्रिय मराठी कविता.

शांत सागरी कशास उठविलीस वादळे

---

शांत सागरी कशास - मराठी कविता (संजीवनी मराठे)

ज्येष्ठ आणि प्रसिद्ध मराठी कवयित्री संजीवनी मराठे यांची शांत सागरी कशास ही लोकप्रिय मराठी कविता.

---

शांत सागरी कशास उठविलीस वादळे?
काय हे तुझ्यामुळे
देहभान हरपले

युगसमान भासतात आज नाचरी पळे
निमिषमात्र लोचनात
दिव्य तेज दाविलेस

भडकुनी तयेच वन्हि जीव आतला जळे
अमृतमधुर बोल एक
श्रवणी जो न पाडिलास

अधिरता भरे जिवात केव्हढी तयामुळे
पढविल्या वदे वचांस
बद्ध त्या विहंगमास

गायिलेस तू कशास गीत नंदनातले?
स्वर्ग कल्पनेतला येईल कधी भूतला
दिवसरात्र अंतरात आस ही उचंबळे

- संजीवनी मराठे