फक्त तू आणि मी (मराठी कविता)

फक्त तू आणि मी (मराठी कविता) - मराठीमाती डॉट कॉम चे सभासद कवी उमेश कुंभार यांची फक्त तू आणि मी ही कविता.

लपेटून कमरेस हात तुझ्या, ओढून घ्यावे घट्ट मिठीत

---

फक्त तू आणि मी (मराठी कविता)

मराठीमाती डॉट कॉम चे सभासद कवी ‘उमेश कुंभार’ यांची ‘फक्त तू आणि मी’ ही मराठी कविता.

---

लपेटून कमरेस हात तुझ्या
ओढून घ्यावे घट्ट मिठीत
उधळून जिंदगीस या
विसरून जावी सारी रीत

तू गावे गाणे
मंतरलेल्या तुझ्या ओठांनी
पूर्णविराम मिळावा त्यास
माझ्या मादक श्वासानी

तुझा हात माझ्या केसात
डोळे कधीचेच बंद व्हावे
तुझ्या कोरीव ओठांना
माझे किनारे भेटावे

तू-मी एक, मी-तू एक
हे विश्व आपले, एक मन
तुझा उन्मेष, त्यात माझा स्नेह
तुझे माझे होता मिलन

- उमेश कुंभार