काळानुसार जग बदललं - स्फुटलेखन (तेजश्री कांबळे-शिंदे)

काळानुसार जग बदललं (स्फुटलेखन) - मराठीमाती डॉट कॉमच्या सभासद लेखिका तेजश्री कांबळे-शिंदे यांचे काळानुसार जग बदललं हे स्फुटलेखन.

खरंच लहानपणीचे दिवस पुन्हा यावे...

---

काळानुसार जग बदललं - स्फुटलेखन (तेजश्री कांबळे-शिंदे)

मराठीमाती डॉट कॉमच्या सभासद लेखिका ‘तेजश्री कांबळे-शिंदे’ यांचे ‘काळानुसार जग बदललं’ हे स्फुटलेखन.

---

खूप आठवतात काही लहानपणीच्या गोष्टी. आज काळ बदलला, लहानपणी खूप गोष्टीत मन रमले होते. शाळेजवळच्या दुकानात चिंचा, बोरं, बोरकुट ह्या सारख्या गोष्टी खूप मिळायच्या.

शाळा सुटली कि दुकानात जाऊन उभं राहायचं ओऽऽऽकाका मला द्याना लवकर, मित्र बोलायचे आधी मला काका? ह्या वरून पण आमची भांडणं. त्यात मजाच वेगळी.

तसेच घरी गेल्यावर सायकल भाड्याने घेऊन २ रुपयाला अर्धा तास भेटायची, आई कडून पैसे घेऊन अर्धा तासात सायकल चालून घरी. एखादं वाहन मला चालवता येतं हीच मोठी गोष्टी वाटायची. खोखो यासारखे खेळ असायचे. खूप आठवणीत मन रमून जायचे.

काळानुसार जग बदललं. आता लहान मुले या सारख्या गोष्टीनं मध्ये आनंद पाहतच नाही, आता मोबाईल शिवाय काहीच आयुष्य नाही असं झाले आहे. लहान मुले अभ्यासा पासून सगळं गोष्टी मोबाईल मध्ये पाहतात.

ऑनलाईन गेम खेळणं, गेम मुळे होणारे त्रास, आत्महत्या या सारखी गोष्टी होतात. त्यांना खेळात आनंद मिळणे गरजेचं आहे. खरंच लहानपणीचे दिवस पुन्हा यावे. लहानपणीचे खेळ, ते चमचमीत खाणं या सारख्या गोष्टी खूप आठवतात खरचं...

म्हणून म्हणतात संत तुकाराम महाराज -

लहानपण देगा देवा ।
मुंगी साखरेचा रवा ॥

ऐरावत रत्न थोर ।
त्यासी अंकुशाचा मार ॥

ज्याचे अंगी मोठेपणा ।
तया यातना कठीण ॥

तुका म्हणे जाण ।
व्हावे लहानाहूनि लहान ॥

---

काळानुसार जग बदललं यासंबंधी महत्त्वाचे दुवे:

• मला वारीला जायचंय - स्फुटलेखन (तेजश्री कांबळे-शिंदे)
• एकविसाव्या शतकातील स्त्री (स्फुटलेखन)
• बंधनातली ती (स्फुटलेखन)

---

- तेजश्री कांबळे-शिंदे