शांताचेया घरा - मराठी कविता (संत ज्ञानेश्वर)

ज्येष्ठ आणि प्रसिद्ध मराठी कवी संत ज्ञानेश्वर यांची शांताचेया घरा ही लोकप्रिय मराठी कविता.

जेथ शांताचेया घरा, अद्भूतु आला आहे पाहुणोरा

---

शांताचेया घरा - मराठी कविता (संत ज्ञानेश्वर)

ज्येष्ठ आणि प्रसिद्ध मराठी कवी संत ज्ञानेश्वर यांची शांताचेया घरा ही लोकप्रिय मराठी कविता.

---

जेथ शांताचेया घरा । अद्भूतु आला आहे पाहुणोरा ।
आणि येरा हि रसा पांतिकरा । जाला मानु ।

वधुवराचिये मीळणी । जैसि वर्‍हाडिया हि लुगडी लेणी ।
तैसे देशिचिये सुखासनी । मिरवले रस ।

परि शांताद्भुत बरवे । जेथ डोळेयांचा अंजुळि घेयावे ।
जैसे हरिहर प्रेमभावे । आले खेवा ।

नातरि अवंसेचा दिसी । भेटली दोन्ही बिंबे जैसी ।
तेवि येकवळा रसी । केला जेथ ।

मीनले गंगेयमुनेचे ॐ(ओ)घ । तैसे या रसांचे जाले प्रयाग ।
ह्मणौनि सुस्नात होत जग । आघवे एथ ।

मध्ये गीतासरस्वती गुपित । आणि दोन्ही रस वोघ मूर्त्त । यालागि त्रिवेणी होये उचित । फावली बापा ।

ह्मणौनि भलेतेणे एथ न्हावे । प्रयागी माधवी विश्वरूपाते पाहावे ।
एतुलेनि संसारा देयावे । तिळोदक ।

हे असो ऐसे सावेव । जेथ सांसिनले आथि रसभाव ।
जेथ श्रवणसुखाची राणिव । जोडली जगा ।

जेथ शांताद्भुत रोकडे । आणि एरा रसा पडप जोडे ।
हे अल्प चि परि उघडे । कैवल्य जेथ ।

हे सारस्वताचे गोड । तुह्मी चि लाविले जी झाड ।
तरि अवधानामृते वाड । सिपौनि कीजो ।

मग हे रसभावफूली फुलैल । नाना फळभारे भरैल ।
तुमचेनि प्रसादे होइल । उपयोगु जगा ।

- संत ज्ञानेश्वर