जिकडे तिकडे पाणीच पाणी - मराठी कविता (शंकर वैद्य)

ज्येष्ठ आणि प्रसिद्ध मराठी कवी, मराठी साहित्यकार, समीक्षक, शिक्षक व ललित लेखक शंकर वैद्य यांची जिकडे तिकडे पाणीच पाणी ही लोकप्रिय मराठी कविता.

जिकडे तिकडे पाणीच पाणी, खळखळणारे झरे

---

जिकडे तिकडे पाणीच पाणी - मराठी कविता (शंकर वैद्य)

ज्येष्ठ आणि प्रसिद्ध मराठी कवी शंकर वैद्य यांची जिकडे तिकडे पाणीच पाणी ही लोकप्रिय मराठी कविता.

---

जिकडे तिकडे पाणीच पाणी,
खळखळणारे झरे
झुळझुळणारे गवत पोपटी,
लवलवणारे तुरे

नवी लकाकी झाडांवरती
सुखात पाने-फुले नाहती
पाऊसवारा झेलित जाती
भिरभिरती पाखरे,
जिकडेतिकडे पाणीच पाणी,
खळखळणारे झरे

हासत भिजती निळसर डोंगर
उड्या त्यांतुनी घेती निर्झर
कडेकपारी रानोरानी
नाद नाचरा भरे,
जिकडेतिकडे पाणीच पाणी,
खळखळणारे झरे

मधेच घेता वारा उसळी,
जरी ढगांची तुटे साखळी
हिरव्या रानी ऊन बागडे
हरिणापरी गोजिरे,
जिकडेतिकडे पाणीच पाणी,
खळखळणारे झरे

- शंकर वैद्य