MarathiMati.com - Android App on Google Play Store

ओल्या काजूची भाजी

लेखन: | प्रकाशन: संपादक मंडळ | १ जानेवारी २००८

ओल्या काजूची भाजी

ओल्या काजूची भाजी - [Olya Kajuchi Bhaji] मराठमोळी महाराष्ट्रीयन खास करुन कोकणात केली जाणारी ‘ओल्या काजूची भाजी’ उतरताना गरम मसाला पावडर घालावी व एक उकळी आणावी आणि बारीक चिरलेली कोथिंबीर घालून उतरावी.

जिन्नस


  • पाव किलो सोललेले ओले काजूगर
  • २ कांदे
  • २ बटाटे
  • १ टोमॅटो
  • अर्धा ओला नारळ किसून
  • लसुण
  • आले
  • गरम मसाला पावडर
  • तिखट
  • हळद
  • मीठ
  • कोथिंबीर
  • तेल

पाककृती


काजूगर रात्री कोमट पाण्यात भिजत घालून सकाळी सोलावेत. बटाट्याची साले काढून तुकडे करावेत.

प्रथम कढईत तेल टाकून जीरे-मोहरी, कांदा, लसुण व टोमॅटो टाकून चांगले परतवून घेणे.

चांगले शिजल्यावर त्यात सोललेले काजू व बटाट्याचे तुकडे टाकून त्यात आवडीनुसार तिखट, हळद, मीठ व पाणी घालून शिजु द्यावेत.

नंतर भाजलेल्या कांदा - खोबर्‍याचे वाटप करुन ते त्यामध्ये घालावे व पुन्हा चांगले शिजवून घ्यावेत. उकळ्या आण्याव्यात.

उतरताना गरम मसाला पावडर घालावी व एक उकळी आणावी आणि बारीक चिरलेली कोथिंबीर घालून उतरावे.

MarathiMati.com - Android App on Google Play Store