साहित्य :

अर्ध्या नारळाचा चव, पाव वाटी चणा डाळ, ६ हिरव्या मिरच्या, अर्धा चमचा मोहरीची पूड, १ वाटी दही, चवीनुसार मीठ, २ चमचे तेल, पाव चमचा मोहरी, एक अष्टमांश चमचा हिंग, १०-१२ कढीलिंबाची पाने, पाव चमचा हळद (घातली नाही तरी चालेल)

कृती :

आदल्या रात्री दोन्ही डाळी वेगवेगळ्या भिजत घालाव्या. सकाळी उपसून ठेवाव्या. तेल तापले की त्यावर मोहरी, हिंग व हळद घालून दोन्ही डाळ फोडणीस टाकाव्या. जरा ढवळून आंच कमी करावी व झाकण ठेवावे. अधूनमधून ढवळावे. मिरच्या व कढीलिंब चिराव्या, डाळी अर्धवट शिजल्या की त्यात मिरची-कढिलिंबाचे तुकडे घालावे. पुन्हा जरा परतून झाकण ठेवावे. डाळी शिजत आल्या की त्यात खोबरे घालावे व दोनतीन मिनिटे परतावे. मीठ घालून ढवळावे व चटणी उतरवून गार होऊ द्यावी. निवाली की त्यात दही घालून कालवावी व वाढावी.