MarathiMati.com - Android App on Google Play Store

मटण मोगलाई सालन

लेखन: | प्रकाशन: संपादक मंडळ | ७ जानेवारी २००८

मटण मोगलाई सालन

मटण मोगलाई सालन - [Mutton Mughlai Salan] नेहमीच्या मटण रस्यापेक्षा एक वेगळी चव म्हणुन तसेच पाहुणचाराला ‘मटण मोगलाई सालन’ करु शकता.

जिन्नस


  • अर्था किलो मटण
  • पाव किलो कांदे
  • ५-६ लाल मिरच्या
  • २ चमचे धणे
  • ५-६ मिरी
  • ३ वेलची
  • १ दालचिनी
  • १ इंच आले
  • ७-८ लसूण पाकळ्या
  • अर्धा चमचा हळद
  • तूप
  • मीठ
  • थोडे केशर
  • ५-६ बदाम

पाककृती


मटणाचे तुकडे करून धुवून घ्या. कांदे पातळ चिरून घ्या. मटणाला मीठ, हळद व धणेपूड चोळून ठेवा.

तूप तापवून त्यात मटण घालून मोठ्या आचेवर परतत रहा. मटण तांबूस झाले की, त्यात ३ कप उकळते पणी घालून घट्ट झाकण लावून मटण मऊ शिजवा.

तुपात कांदा परतून बदामी करून घ्या.

मटण शिजले की, त्यात कांदा घाला. वेलची, दालचिनी व ठेचलेली मिरी घाला.

जरूर वाटल्यास पाण्याचा शिपका मारून परतत रहा. थोडा वेळ परतवून त्यात २ टेबलस्पून गरम केलेले तूप सोडा.

बदाम दुधात वाटून घ्या. केशर थोड्या दुधात घोळून घ्या. मटणावर दोन्ही घालून एकत्र करून एक वाफ काढा.

हे मटणाचे सालन पराठ्याबरोबर सर्व्ह करा.

MarathiMati.com - Android App on Google Play Store