MarathiMati.com - Android App on Google Play Store

मिश्रडाळींचे वडे

लेखन: | प्रकाशन: संपादक मंडळ | ४ फेब्रुवारी २००८

मिश्रडाळींचे वडे

मिश्रडाळींचे वडे - [Nagpuri Daliche Vade] सर्व प्रकारच्या डाळींपासून बनविलेले पौष्टिक, चटपटीत असे ‘मिश्रडाळींचे वडे’ सर्वांना आवडेल.

जिन्नस


  • १ वाटी चणा डाळ
  • १ वाटी मुगाची डाळ
  • १ वाटी उडदाची डाळ
  • अर्धी वाटी तुरीची डाळ
  • अधी वाटी मसुराची डाळ
  • २ सें.मी. आल्याचा तुकडा
  • ७-८ हिरव्या मिरच्या
  • १ वाटी ओल्या खोबर्‍याचा किस
  • १ वाटी चिरलेली कोथिंबीर
  • १ चमचा जिरे
  • २ चमचे मीठ
  • अर्धा चमचा गरम मसाला (असल्यास, नसला तरी चालेल)
  • तळण्यास तेल

पाककृती


सर्व डाळी वेगवेगळ्या भिजत घालाव्या. दोन तासानंतर पुन्हा स्वच्छ धुवाव्या व निथळाव्यात.

आले-मिरची-जिरे, व मीठ एकत्र वाटावे व डाळीही वाटून घ्याव्या. त्यात खोबरे, कोथिंबीर व मसाला घालावा.

जास्त तिखट हवे असल्यास थोडॆ लाल तिखट किंवा मिरेपूड घालावी. चमचाभर तेल घालून मिश्रण कालवावे. त्याचे छोटे गोल किंवा चपटे वडे करून तळावे.

चटणी किंवा सॉसबरोबर खायला द्यावे

MarathiMati.com - Android App on Google Play Store