Download MarathiMati.com's New Android App from Google Play

बिनाअंड्याचा रवा केक

लेखन: | प्रकाशन: संपादक मंडळ | ४ जानेवारी २००८

बिनाअंड्याचा रवा केक

बिनाअंड्याचा रवा केक - [Eggless Rava Cake] रवा, दूध, दही तसेच ड्राय फ़ॄट्स घालून तयार केलेला अंड्याशिवायचा शाकाहारी केक वाढदिवसाला किंवा मधल्या वेळेत मुलांना खायला देता येईल.

जिन्नस


  • दीड वाटी रवा
  • १ वाटी दूध
  • १ वाटी दही
  • १ वाटी साखर
  • ४ वेलदोडे (पूड)
  • ४ काजू (पातळ काप)
  • १० बेदाणे
  • ८-१० चारोळ्या (ऐच्छिक)
  • अर्धा चमचा बेकिंग सोडा
  • १ वाटी लोणी किंवा तूप
  • २-३ थेंब केशर एसेन्स किंवा रंग
  • पाव चमचा मीठ.

पाककृती


दही व साखर मिसळून घ्यावे. साखर विरघळली की नंतर त्यात दूध, रवा, वेलचीपूड, चारोळी, मीठ, लोणी, रंग व सोडा क्रमाने घालून चांगले मिसळावे.

तासभर झाकून ठेवावे. नंतर तुपाचा पातळ हात सारवलेल्या भांड्यात मिश्रण ओतावे.

मध्यम गरम ओव्हनमध्ये अर्धा तास हा केक भाजावा. गार झाल्यानंतर खा.

Download MarathiMati.com's New Android App from Google Play