एक बामण ढसाळलेला : मुकुंद शिंत्रे

॥ बडव्यांना उद्देशून ! ॥

मुर्दाड मृतात्म्यांना आवाहन

करणाऱ्या समस्त मलमली बडव्यांनो

जिवंत आत्मयाची वाणी तुम्ही ऐकलीय काय ?

चंदेरी पुण्याच्या गाठीसाठी गंगेची ओंजळ

तर्पण करणाऱ्या भांगखाऊ भगीरथांनो

आमचे आकाशभर अश्रू तरी तुम्हाला पुरतील काय ?

आकाशातील सुष्ट दुष्ट ग्रहगोलांना

नितंबू स्तुतीने वश करणाऱ्या भाटांनो

काळोखात डुंबलेला `मानव्याचा सूर्य' तुम्हाला दिसेल काय ?

कुठल्या शिंच्यान निर्मिलेल्या स्वर्गी झरणाऱ्या क्षीरनद्यांची

लाळघोटी स्वप्ने पाहणाऱ्या भ्रमिकांनो

या शामल धरणीचा तुम्ही कलकत्ती नर्कच केलात ना ?

संतानीही तुमच्या विटाळावर टाळाची मात्रा सांगून

अखेर त्यांनाही आपल्याच चरणी झुकवल ना

ज्यान त्यान पायरीन राव्ह हेच तुम्ही दावलत ना !

यालाच म्हणतात निखळ सत्य !

कारण `सत्यापरता नाही धर्म

सत्य हेच परब्रह्म'