एक बामण ढसाळलेला : मुकुंद शिंत्रे

॥ निमित्त गुजरात दंगलीचे ॥

परवा एक गोरपान पोरगं भेटलं

फर्स्टक्लास स्कॉलर अर्थतच जाड भिंग

विद्वत्ता आणि प्रतिष्ठेचं झुल अंगावरच चढवित

सोपस्काराचा आव आणून निर्मळ हसल

गुजरात आंदोलनाच निमीत्त साधून

अन माझं `ब्रेनवॉशिंग' करायला लागलं

`सवलतींमुळे दंगल उसळली-आपलं मत?

नाही ती व्हायची होती म्हणूनच झाली'

तो स्तंभित - तरीही चाचपला

हक्कांची सनद जादा वाटली

म्हणूनच ती दंगल पेटली

पण ही जाळपोळ थांबणार कधी ?

`तुमच्याकडे पाहून थांबेल असं तुर्तांस तरी नाही'

मूळ प्रश्नाला तुम्ही बगल देताहात---- त्याची तक्रार

आपली ती जुनी खोड आहे हो ना !

आपला धर्म म्हणजे प्रचंड वटवृक्ष

उभ्या आडव्यांना कवेत घेणारा

अन दुःखितांचे अश्रू पिणारा -- हो ना ऽ

त्याने मान डोलावली -- मी गोळे मिटले

हात जोड-- म्हण! --- `सर्वेपि सुखीना सन्तु सर्वे------