MarathiMati.com - Android App on Google Play Store

जन पळभर म्हणतील

लेखन भा. रा. तांबे | प्रकाशन: संपादक मंडळ | २३ ऑक्टोबर २००८

गीतकार: भा. रा. तांबे
संगीतकार: वसंत प्रभू
गायक: लता मंगेशकर
गीत प्रकार: राग - मल्हार

जन पळभर म्हणतील हाय हाय
मी जाता राहिल कार्य काय ? ॥धृ॥

सूर्य तळपतील, चंद्र झळकतील,
तारे अपुला क्रम आचरतील,
असेच वारे पुढे वाहतील,
होईल काही का अंतराय ? ॥१॥

मेघ वर्षतील, शेते पिकतील,
गर्वाने या नद्या वाहतील,
कुणा काळजी की न उमटतील,
पुन्हा तटावर हेच पाय ? ॥२॥

सखेसोयरे डोळे पुसतील,
पुन्हा आपुल्या कामि लागतील,
उठतिल, बसतील, हसुनि खिदळतील
मी जाता त्यांचे काय जाय ? ॥३॥

अशा जगास्तव काय कुढावे !
मोहि कुणाच्या का गुंतावे ?
हरिदूता का विन्मुख व्हावे ?
का जिरवु नये शांतीत काय ? ॥४॥

नुकतेच प्रकाशित नवीन लेखन

बाय - मराठी कथा | Bye - Marathi Katha

बाय

विभाग मराठी कथा

स्वभाव - मराठी कविता | Swabhav - Marathi Kavita

स्वभाव

विभाग मराठी कविता

आधार - मराठी कविता | Aadhar - Marathi Kavita

आधार

विभाग मराठी कविता

बायको - मराठी कविता | Baayko - Marathi Kavita

बायको

विभाग मराठी कविता

MarathiMati.com - Android App on Google Play Store