पर्यावरणपूरक गणेशोत्सव | Eco-friendly Ganeshotsav

ही वाट दूर जाते

प्रकाशन: संपादक मंडळ | २३ ऑक्टोबर २००८

गीतकार: शांता शेळके
संगीतकार: हृदयनाथ मंगेशकर
गायक: आशा भोसले
गीत प्रकार: भावगीत

ही वाट दूर जाते स्वप्नामधील गावा
माझ्या मनांतला का तेथे असेल रावा? ॥धृ॥

जेथे मिळे धरेला आभाळ वाकलेले
अस्ताचलास जेथे रविबिंब टेकलेले
जेथे खुळ्या ढगांनी रंगीन साज ल्यावा ॥१॥

घे साऊली उन्हाला कवळून बाहुपाशी
लागून ओढ वेडी खग येति कोटरासी
एकेक चांदणीने नभदीप पाजळावा ॥२॥

स्वप्नामधील गांवा स्वप्नामधून जावे
स्वप्नातल्या प्रियाला मनमुक्त गीत गावे
स्वप्नातल्या सुखांचा स्वप्नीच वेध घ्यावा ॥३॥

Book Home in Konkan