Download MarathiMati.com's New Android App from Google Play

स्थलांतर

लेखन: | प्रकाशन: संपादक मंडळ | २० एप्रिल २००५

स्थलांतर - मराठी कविता | Sthalantar - Marathi Kavita

चित्रात दिसावे तसे हे शहर
विस्कटलेले
आणि फुलांची नदी बाजूबाजूने.
मी नदी ओलांडून येतो,
सुगंधित न होता
स्वप्नांचे हिशेब तपासत
तू उभी आहेस
कुठल्याशा अनाम वळणावर.
आपल्यातल्या वाढत चाललेल्या अंतरावरून
मी तडक निघतो तु पडताळून पाहतेस.
पुन्हा पुन्हा आणि
नकाराच्या लगामाने
हुसकावून लावतेस
शुभ्र स्वप्नांचा थवा.

माझ्याही स्थलांतराचा
एवढाच संकेत
दिवसांच्या चिमटीत
सूर्य जायबंदि होयापूर्वीचा.

Download MarathiMati.com's New Android App from Google Play