शाळेचे दिवस

लेखन: |प्रकाशन: संपादक मंडळ| ११ एप्रिल २०१८

शाळेचे दिवस - मराठी कविता | Shaleche Diwas - Marathi Kavita

शाळेचे ते दिवस आठवले की
बालपणात रममाण झाल्यासारखे वाटते

वर्गाची सुरुवात होई प्रार्थनेपासून
मग होत असे अध्ययनाला सुरुवात
एक एक विषय शिक्षक घेताना
गणिताचा विषय आल्यावर
भितीने होई थरकाप

शाळेचे ते दिवस आठवले की
बालपणात रममाण झाल्यासारखे वाटते

शाळेच्या मधल्या सुट्टीत मित्रांसोबत
एकमेकांस वाटून डबा खाण्यात
वेगळाच होई आनंद
लपाछपीचा खेळ खेळताना
खेळास येई रंग

शाळेचे ते दिवस आठवले की
बालपणात रममाण झाल्यासारखे वाटते

  • TAG