पर्यावरणपूरक गणेशोत्सव | Eco-friendly Ganeshotsav

पणती वंशाची

लेखन: | प्रकाशन: संपादक मंडळ | ३ डिसेंबर २०१२

पणती वंशाची - मराठी कविता | Panati Vanshachi - Marathi Kavita

वंशाचा दिवा हवा म्हणुन
का विझवता पणती वंशाची
का नाही देत तिला
एक संधी जगण्याची ॥१॥

दिवस सरला रात्र सरली
सोडा जुने विचार
वंशाच्या तेजस्वी पणतीचा
करा ना स्विकार ॥२॥

ती ‘कल्पना’ ती ‘सुनिता’
अवकाश कवटाळले त्यांनी
झाशीच्या या रणरागिणीची
तलवार तळपली रणी ॥३॥

जोतिबा अन्‌ सावित्रीनी
केला स्त्रिचा उद्धार
जिजामातेने दिधला आपणास
शिवबा सम रणवीर ॥४॥

आई, आजी अन्‌ बहिण
तीच आहे जीवनसखी
तीच सीता ती द्रौपदी
नाही कोण तिच्यासारखी॥५॥

आहे ती स्वर्गातील देवता
का करता मग तिची हत्या
का नाही देत तीला
एक संधी जगण्याची ॥६॥

Book Home in Konkan