पर्यावरणपूरक गणेशोत्सव | Eco-friendly Ganeshotsav

माणूस म्हणून

लेखन: | प्रकाशन: संपादक मंडळ | १९ जानेवारी २०१७

माणूस म्हणून - मराठी कविता | Manus Mhanun - Marathi Kavita

चल माणसा भाकीत कर
मन तुझं उघड कर
जगण्याचा प्रवाह शिथिल कर
सुकर कर सुजय कर

ज्ञान लेऊन सज्ज हो
शास्त्र घेउन कर्ता हो
जीव-जीवाशी हर्ष कर
धर्म होऊन शासन कर

साद देऊन प्रतिसाद हो
आवाज ऐकून भाषा हो
मना-मनाला साथ कर
प्रयत्न तुझे सुफळ कर

सुकर्म करून वंद्य हो
हात देऊन मित्र हो
क्षणा-क्षणाला लक्ष्य कर
कर्तृत्वाला तुझ्या अजिंक्य कर

वर्तमानातून भविष्य हो
सावली देऊन दिशा हो
कणा-कणाला स्पर्श कर
माणूस म्हणून राज्य कर

Book Home in Konkan