MarathiMati.com - Android App on Google Play Store

मला सुद्धा जगायचंय

लेखन: | प्रकाशन: संपादक मंडळ | ३० ऑगस्ट २०१६

मला सुद्धा जगायचंय - मराठी कविता | Mala Suddha Jagayachay - Marathi Kavita

पेटलेल्या दिव्यामधील
मिणमिणती वात म्हण
तुझ्या उमेदीला दिलेली
नशिबाने मात म्हण
पण तुझ्या वंशवेलीवर मला फुल बनुन उगायचंय
आई! मला मारु नकोस मला सुद्धा जगायचंय

तुच दिली आस मला
तुच दिला प्राण हा
तुच माझी माता व्हावी
मिळावा सन्मान हा
हक्क आहे तो माझा मला ही जग बघायचंय
आई! मला मारु नकोस मला सुद्धा जगायचंय

माझा गुन्हा, माझा दोष
मला काहीच कळत नाही
का करते तु माझ्यावर रोष
मला काहीच कळंत नाही
तु ही कधी मुलगी होती हे मी का तुला सांगायचंय
आई! मला मारु नकोस मला सुद्धा जगायचंय

नको समजुस मी तुला
जिंदगीभरचा भार होईल
दुर्गा होईल, शक्ती होईल
मी तुझा आधार होईल
समजावुन सांग तु तुझ्या मनाला असं नाही वागायचंय
आई! मला मारु नकोस मला सुद्धा जगायचंय

नुकतेच प्रकाशित नवीन लेखन

बाय - मराठी कथा | Bye - Marathi Katha

बाय

विभाग मराठी कथा

स्वभाव - मराठी कविता | Swabhav - Marathi Kavita

स्वभाव

विभाग मराठी कविता

आधार - मराठी कविता | Aadhar - Marathi Kavita

आधार

विभाग मराठी कविता

बायको - मराठी कविता | Baayko - Marathi Kavita

बायको

विभाग मराठी कविता

MarathiMati.com - Android App on Google Play Store