MarathiMati.com - Android App on Google Play Store

मज दिसत नाही चांदणे

लेखन: | प्रकाशन: संपादक मंडळ | ४ जुलै २०१५

मज दिसत नाही चांदणे - मराठी कविता | Maj Disat Nahi Chandane - Marathi Kavita

घनघोर कोसळती या वसुंधरेवर
पर्जन्याचे झरे
मज दिसत नाही चांदणे
मज दिसत नाही चांदणे

या वेलीवरती कोणी फेकले हिरे
हा वारा कसा स्वच्छंद होऊन फिरे
मज दिसत नाही चांदणे

आल्या धावत बघ या सरी
हसल्या त्या मंजिरी
नेसली धरेने हिरवी पैठणी
वासरू कसे हे बागडे
मज दिसत नाही चांदणे

अंबरी हे नृत्य ढगांचे
पायी लेवूनी पैजण विजांचे
नभी सजल्या मैफिलीतले
निसर्ग गातो अद्‍भूत गाणे
मज दिसत नाही चांदणे

काळोख असा हा थरारणारा
वार्‍यासंगे देइ शहारा
लपुनी पाहते हे नजराणे
मज दिसत नाही चांदणे
मज दिसत नाही चांदणे

MarathiMati.com - Android App on Google Play Store