कोल्ह्याची बुलेट

लेखन: | प्रकाशन: संपादक मंडळ | १५ डिसेंबर २०१७

कोल्ह्याची बुलेट - मराठी कविता | Kolhyachi Bullet - Marathi Kavita

एकदा एका कोल्ह्याने
घेतली नवी बुलेट
सार्‍या जंगलात गर्वाने
वाटू लागला चॉकलेट

कोल्हा लागला फोनवर बोलू
त्याची बुलेट गाडी होती चालू
कोल्ह्याला चढला जोष
एका आंब्याच्या झाडाला मारली त्याने ठोस

हे पाहून ट्रॅफिक पोलिस पोपटराव
कोल्ह्यावर खूप जोरात भडकले
गाडीवरून त्याला उतरवले
झाडाच्या भरपाईचे बील फाडले

मग म्हणू लागला कोल्हा रडून
चूक झाली माझ्या हातून
हेल्मेट घालणार, फोनवर नाही बोलणार
वाहन चालवतानाचे सर्व नियम पाळणार

पोपटरावांना आली मजा
कोल्हेबुवांना झाली सजा

  • TAG