​​​जिजाऊ माऊली

लेखन: किशोर चलाख|प्रकाशन: संपादक मंडळ | १३ एप्रिल २०१८

​​​जिजाऊ माऊली - मराठी कविता | Jijau Mauli - Marathi Kavita

माझी जिजाऊ माऊली
वटवृक्षाची सावली
कष्ट पाहून मातेचे
सर्व जन झाले धन्य

बालशिवबासाठी उभे आयुष्य वेचली
जिजाऊ माऊली धैर्य, त्यागाने माखली
आई जिजाऊ होती गुणांचा सागर
शिवरायास तिने केले तयार
नाते संबंध तोडून एकनिष्ठ राहिली

माझी जिजाऊ माऊली
वटवृक्षाची सावली
कष्ट पाहून मातेचे
सर्व जन झाले धन्य

दादांच्या साथीने केला पुण्याचा विकास
कष्ट, जिद्दीने भरविला स्वराज्याचा घास
शिवबाच्या साथीने सांभाळला कारभार
अशी जिजाऊ माऊली होती कर्तुत्वाची धार

अख्ख्या देशाने मानली
माझी जिजाऊ माऊली
वटवृक्षाची सावली
कष्ट पाहून मातेचे
सर्व जन झाले धन्य

  • TAG