गोड बाहुली

लेखन: |प्रकाशन: संपादक मंडळ| ११ एप्रिल २०१८

गोड बाहुली - मराठी कविता | God Bahuli - Marathi Kavita

नाजूक, गोरी, नकटी नारी
गाल गुलाबी, लट सोनेरी
फुलाफुलांचे घाली झबले
सुंदर माझी गोड बाहुली

डोळे मिटते तिरकी होता
पोट दाबता आई म्हणते
गोड गोड मग पापा देता
भूक लागली मजला कळते

अशीच अल्लड एकुलती ती
दडून बसली एके दिवशी
हाक मारुनी दमले मी पण
गेली वेडी कुठल्या देशी

रोज डोळे मिटते मी पण
झोप मला हो येतच नाही
मग कुशीत घेऊन आई निजते
अंगाई गुणगुणते मी ही

आई म्हणाली आणून देईन
तशीच सुंदर झबलेवाली
अशीच का गं रीत आपली?
जुनी हरवता नवी बाहुली?

  • TAG