एक घर

लेखन: | प्रकाशन: संपादक मंडळ | १२ मार्च २०१७

एक घर - मराठी कविता | Ek Ghar - Marathi Kavita

एक घर दगडांचं
जुन्या कोरिव विटांचं
सोप्याचं अन्‌ पडवीचं
बहरलेल्या अंगणाचं
दारापुढल्या तुळशीचं
घडवंचीवरच्या कळशीचं
एक घर...

एक घर माणसांचं
दादाच्या खट्याळ हसण्याचं
ताईच्या खोट्या रूसण्याचं
आजोबांच्या कडक शिस्तिचं
आजीच्या गोड गोष्टींचं
आईच्या अथांग मायेचं
बाबांच्या खंबीर छायेचं
एक घर...

  • TAG